ඇබැද්දි

අනුන්ගෙ රස කථා ලිව්වට අපිටත් එක එක රස කථා සිද්ධ වෙනවනෙ.... 


මෙන්න මේක කොල්ලට මේ ලඟදිම වෙච්ච ලැජ්ජාවෙ බැරි සත්‍ය සිද්ධියක් පාදක කොටගත් කථාවක්. 


දිනය - පසුගිය සතියේ දිනක්
ස්ථානය - කොල්ල දැනට ඉන්න ගෙදර
වේලාව - දැනට ඉන්න රටේ වෙලාවෙන් රාත්‍රී 10 ට පමණ
නම් ගම් මනංකල්පිතයි


කොල්ලගෙ යාලුවෙක් ඉන්නව ලංකාවෙ. මිනිහට ගැලපෙනම නම තමා ගලා, වැරදියට හිතන්ඩ එපා, ගලා කිව්වෙ පොර දැක්කොත් එතන අර ගල් බෝතලයක් දකින්ඩ ලැබෙන නිසා මිසක් වෙන ගලක් ගැන නෙමෙයි. ඒකෙ අවුලක් නැහැ ඉතින් කොල්ලගෙ යාලුවොත් කොල්ල වගේ නොවුනොත් කොහොමෙයි උන් යාලුවො වෙන්නෙ නේද? මේ ගලා හරි හිත හොඳ කොල්ලා, කොල්ල හැමදාම ගෙදර යන වෙලාවට ලංකාවෙ ප්‍රවාහන පහසුකම් වලින් වැඩි හරියකට අනුග්‍රහය දක්වන්නෙ ඉතිං මේ ගලා තමයි. 


ගලා ලඟදි ගත්ත උකුල උඩ තියාගන්ඩ පුලුවන් පරිගණකයක්, ඔය සිංහලෙන් ලැප් ටොප් කියන්නෙ, මේ දවස් වල ඉතින් හරිම ලේසියි මෙයාව සම්බන්ධ කරගන්ඩ, හරියටම කිව්වොත් බැංකුවක ඇමතුම් මධ්‍යස්ථානයක් වගේ, කොයි වෙලෙත් ඉන්නවා වැල උඩමයි (online). අර ඉහත කී දවසෙ කොල්ල දැක්ක ගලා සාමානයයෙන් කතා බහට පාවිච්චි කරන මෘදුකාංගෙ පෙන්නුම් කරනව. ඉතිං කොල්ල ගත්ත ඇමතුමක්............................ බීප් බීප්...........බීප් බීප්...................බීප් බීප්............................ x ගොඩ පාරක්


කිසිම උත්තරයක් නැහැ


සැලුනෙ නැහැ කොල්ල... ආපහු ගත්ත තුන් හතර පාරක්ම.......... කිසිම ප්‍රගතියක් නැහැ එමමයි ... මුගෙ (**!@#$~%~*)


ඔන්න ඊට පස්සෙ කොල්ල ගලාව යකාට ගියාවෙ කියල ගෙදරට පොඩ්ඩක් කථා කරල තව යාලුවෙක්ට එහෙමත් කථා කරල රිලැක්ස් එකේ ඉන්නව. ඔය ඉන්න අතරෙ එකපාරටම ගලාගෙන් කෝල් එකක් එනව කොල්ලට. දැන් ඉතින් කලින් සිද්ධිය මතක් වෙලා මල අතේ තියන් කොල්ල උගුර එහෙම පාදල ලෑස්ති උනා ගලාට සුභ පතන්ඩ.


කතා කරන්ඩ පටන් ගත්ත ගමන් කොල්ල පටන් ගත්ත දෙන්ඩ  මොන (*@$#%#^) බං කරන්නෙ මොන ($#%@*&%)ද ඔන් ලයින් ඉන්නෙ කථා කරන්නෙ නැත්තං (@!~) දෙනවද .. බ්ලාහ් බ්ලාහ් බ්ලාහ්.........


ඔන්න ඒ පාර පින්තූරෙත් වැටෙන්ඩ පටන් ගත්ත තිරේ. බලනකොට හැඩ වැඩ ලලනාවක් තමා පෙන්නුම් කරන්නෙ............ එයා කියනව


"ආ අපේ මල්ලි ගියානෙ මල්ලි පොඩ්ඩක් එලියට, මේ කෝල් හතර පහක්ම දැක්ක නිසා බැලුවෙ හදිස්සියකටවත් කතා කරාද කියල"


කොහොමද සැප............?