නිදිමත

කොල්ලට මේ දවස් වල අලුතින්ම බලපාල තියෙනව එදිනෙදා වැඩ අවුල් කරන්ඩ පුලුවන් ජාතියෙ හූනියමක් වගේ එකක්. ඒක තමයි නිදිමත...........


මහ රෑ වෙනකම් ඇහැරගෙන ඉඳල පාන්දර 2-3 වෙනකොට නිදාගෙන ආපහු උදේ 6.30ටත් කලින් නැගිටින එක අමාරුයි නේද? ඔන්න ඕක දැන් වෙනව සති ගානක් තිස්සෙ. ඔය රෑ ඇහැරගෙන හිටියත් බ්ලොග් එකේ මුකුත් ලියන්ඩ හිතෙන්නෙත් නැහැ (අපේ කතන්දර මහත්තය කියන්නැහෙ අර රයිටර්ස් බ්ලොක් ද මොකක්ද හැදිලද දන්නෙත් නැහැ )


අත්හදා බලන්න එපා ඒත් නිකමට බැලුවොත් මෙහෙම නැගිටගෙන ඉඳල උදේ වැඩට ගිහින් වැඩ කරනව කියන්නෙ ඉතින්......... අපාය ගැන පොත් පත් වලින් දැකපුව ඇත්තද කියලත් හිතෙනව.


අවුරුදුත් පහු උනා..... වෙන දවසක් වගේම අවුරුදු දවසෙත් වැඩට ඇවිත් ගෙදර ගිහින් පවුලෙ කට්ටිය එක්ක සතුටු සාමීචියක් දාගෙන ඉඳල නිදාගත්ත.


මේ පෝස්ට් එක දාන්නෙ තේරුමක් ඇතුව නෙමෙයි. කොල්ලගෙ කෙටි කාලීන නිහැඬියාව වහගන්ඩ එක්කම ආපහු ලියන්ඩ පොඩි කික් එකක් ගන්ඩත් එක්ක නිසා. කියවන්ඩ දෙයක් නැති වීම ගැන තරහ වෙන්න එපා.


ජීවිතේ ගලාගෙන යන විදිහ වෙනස් උනා පහු ගිය ටිකේ. මේ බ්ලොග් එක පටන් ගත්තෙ ලඟට වෙලා හිටි කම්මැලි කම මරල දාන උවමනාවෙන් වුනත් ලියාගන්ඩ වෙලාවක් නැති තරමට වැඩ ගොඩ උනා. කොහොම උනත් ආපහු පරණ විදිහට ජීවිතේ හැඩ ගහගත්තොත් කාටත් දුකක් නැතිව ඉස්සරහට යන්ඩ පුලුවන් වෙයි කියල හීතෙන නිසා අදින්ම පටන් ගන්ඩ හිතුව වෙනස් වීම ආරම්භ කරන්ට. 


මේක ලියුවෙ කෑම කන විවේක වෙලාවෙදි. රෑ වෙලා පරන කුනු කන්දල් ටිකක් අවුස්සල කථාවක් ලියන්ට පටන් ගන්න එක ගන්නවාමයි.